M.Ben
Muhire Kevin yakandagiranye ubugome umukinnyi ngenderwaho wa Apr Fc bituma asohoka mu kibuga arandaswe.
Ku munsi w’ejo hashize nibwo ikipe ya APR FC yanganyije na RAYON SPORTS mu mukino wa shampiyona y’ikiciro cya mbere.
Kimwe mu byagarutsweho cyane mbere y’umukino ni ukumva ko wahawe Umusifuzi Twagirumukiza Abdulkarim ushinjwa kubogamira kuri APR FC.
Gusa, uyu musifuzi yitwaye neza mu minota 90 y’i Nyamirambo ku Cyumweru, hasigara hibazwa ku byemezo bibiri yafashe bitabonetsemo ikarita itikura.
Ku munota wa 36, Muhire Kevin yakandagiye Nshimirimana Ismaël Pitchou amuturutse inyuma, ku ikosa ryashoboraga guhanishwa ikarita itukura, ariko Umusifuzi Twagirumukiza atanga iy’umuhondo.
Pitchou wari mwiza ku ruhande rwa APR FC mu minota yari imaze gukinwa, yavuye mu kibuga ari ku ngobyi, asimburwa na Niyomugabo Claude.
Ibi ni ko byagenze kandi ku ikosa Ishimwe Christian yakoreye kuri Luvumbu Héritier ku munota wa 90+1’, amugusha ku murongo w’urubuga rw’amahina ariko umusifuzi na bwo atanga ikarita y’umuhondo.
Uyu mukinnyi wa Rayon Sports wari umaze gusimbuka umuserebeko wa Niyomugabo Claude, agasiga abakinnyi bose ba APR FC aho yarebanaga n’Umunyezamu Ndzila wari wasohotse, yaguye mu rubuga rw’amahina ku buryo benshi bibwiraga ko byari kuba penaliti, ariko ikosa ryari inyuma gato.
[AMAFOTO]
