Kenny Mugabo uherutse kwitaba Imana azize impanuka ya Bus y’ishuri agiye gushyingurwa mu cyubahiro

Mu gitondo cyo kuwa mbere tariki 9 Mutarama 2023 ,nibwo humvikanye inkuru iteye ubwoba ,yavugaga ko Bus yari itwaye abanyeshuri bo ku ishuri rya Path to Success yakoze impanuka ikagwa mu ishyamba.

Ni impanuka yatumye abanyeshuri 17 boherezwa mu bitaro bya CHUK kugirango bitabweho , ariko mu masaha ya saa mbili z’ijoro nibwo hamenyekanye inkuru yuko umwe muri abo bana bari barikwitabwaho n’abaganga yitabye Imana.

Uwitabye Imana ni Kenny Mugabo wigaga mu mwaka wa 5 w’amashuri abanza , kugeza kuri ubu amakuru ahari avuga ko uyu mwana azashyingurwa mu cyubahiro kuwa gatanu tariki 13 Mutarama 2023 .

Ni umuhango uzabanzirizwa no gufata umubiri ku bitaro bya CHUK , ajyanwe mu rugo Kicukiro Kagarama aho yari atuye n’umuryango we ari naho azasezererwa , nyuma yaho kandi umubiri wa nyakwigendera ukaba uzahita werekezwa ku rusengero rwa ADEPR Kicukiro agasezerwaho, hanyuma agashyingurwa mu cyubahiro mu irimbi rya Rusororo, ari naho gukarabira bizabera.

Kenny Irakoze Mugabo yavutse tariki 30 Werurwe 2011 , akaba yigaga mu mwaka wa gatanu w’amashuri abanza ku ishuri rya Path to Success, yitabye Imana kuwa mbere azize impanuka ya bus yarisanzwe imujyana ku ishuri.

IMANA IMWAKIRE MUBAYO