Kecapu yarakaye nyuma yo gusezerana n’umukunzi we,asubije abavuga ko nta gikwe arimo gukina filime

Mukayizere Jalia wamamaye nka Kecapu muri filime y’uruhererekane ya Bamenya, yarakariye cyane abamunenze bavuga ko ubwo yambikwaga impeta ya fiançailles na Jean Luc ko nabwo ari filime arimo gukina, yibaza impamvu bumva ko atakora ubukwe.

Mu ntangiriro z’uku kwezi nibwo Kecapu yagaragaje ko Jean Luc yamwambitse impeta ya fiançailles amusaba ko bazibanira akaramata undi na we arabyemera.

Ibi byakurikiye n’ubutumwa bwinshi bw’abantu hari abavugaga ko atari byo ahubwo ari filime arimo gukina atakora ubukwe.

Mu kiganiro Kecapu yagiranye na televiziyo yo kuri Youtube, Kecapu yavuze ko nyuma yo gusohora amafoto yambitswe impeta abantu benshi banditse ibintu bitandukanye bamwe bavuga ko atari byo ko ahubwo ari filime arimo gukina.