THIERRY Mugiraneza
Mu ijoro rya keye ikipe ya Real Madrid yahanaga ikipe ya Liverpool mu mukino wa ⅛ cya Champions League arinako ishyiraho uduhigo dushya.
Real Madrid yaraye iturutse inyuma ikubita Liverpool ibitego bitanu kuri bibiri, nyuma y’uko Liverpool yari yabanje gutsinda ibitego bibiri mu minota 15 gusa ariko nyuma Vinicius Jr agatsinda ibitego bibiri harimo n’icyo yiherewe na Allison Becker umuzamu wa Liverpool. Mu gice cya kabiri Karim Benzema agatsinda ibitego bibiri bisanga kumwe Eder Militao yari yatsinze ku munota wa 47 n’umutwe.
Muri uyu mukino abakinnyi ba Real Madrid bashyizeho tumwe mu duhigo dukurikira:
1. Ikipe ya Real Madrid n’abakinnyi bayo baraye bashyizeho agahigo ko gutsinda Liverpool ibitego bitanu kuri sitade ya Anfield ibintu bitari byarigeze bibaho ko iyi kipe yatsindwa ibitego birenze bine muri Champions League. Ariko mu ijoro rya keye Real Madrid yayiteye ibitego bitanu.
2. Karim Mustaph Benzema, umufaransa akaba na kapiteni wa Real Madrid yaraye ashyizeho ahagiho ko kuba ariwe mukinnyi watsinze Liverpool ibitego birandatu muri Champions League aturuka i Burayi.
3. Vinicius Jr rutahizamu wa Real Madrid w’imyaka 22 y’amavuko yaraye ashyizeho agahigo ko kuba umukinnyi ukiri muto wabashije gutsinda Liverpool ibitego bibiri kuri Anfield ibintu byaherukaga gukorwa na Johan Cruyff.
4. Karim Benzema nawe yaraye ashyizeho agahigo ahuriyeho na Lionel Messi ko kuba aribo bakinnyi bonyine batsinze igutego byibuze muri buri season 18 za Champions League zikurikuranya.
