Epaphrodite Nsengimana
Mu rukerera rwo kuri uyu wa Kabiri Tari 7 Werurwe 2023 nibwo rutahizamu w’ikipe y’igihugu Amavubi Byiringiro Lague, yerekeje i Burayi aho yagiye gukinira ikipe ye nshya ya Sandvikens IF ikina mu Cyiciro cya Gatatu muri Suède.
Ku wa 26 Mutarama 2023 ni bwo Sandvikens IF yatangaje Byiringiro Lague nk’umukinnyi wayo mushya mu myaka ine iri imbere, aguzwe agera ku bihumbi 80€ ashobora kwiyongera bitewe n’uburyo azitwara.
Byiringiro yagombaga kwerekeza muri Suède nyuma y’iminsi atatu akinnye umukino w’Umunsi wa 19 wa Shampiyona APR FC yatsinzwemo na Rayon Sports igitego 1-0, gusa ntabyakunze kubera ko yabuze ibyangombwa by’urugendo(Visa)
Akimara kubona Visa, mu rukerera rwo kuri uyu wa Kabiri nibwo Byiringiro Lague yafashe rutemikirere yerekeza muri Sandvikens IF asanzeyo Yannick Mukunzi, mbere yuko agenda umugore we ndetse n’imfura ye bamuherekeje maze bamusezeraho.
