“Kandi ntanuwabimbuza” Ubutumwa bugenewe buri mukunzi wese wa Rayon Sports bwatanzwe na wa muyobozi ukomeye muri iyi kipe wagaragaye yambaye umwambaro wa mukeba APR FC ayiri inyuma

Abakunzi ba Rayon Sports bacitse ururondogoro nyuma yo kubona Rukundo Patrick uyobora Komite nkemurampaka y’iyi kipe yagaragaye kuri Pelé Stadium yambaye umwambaro wa APR FC ari kuyishyigikira.

Hari ku mukino w’ijonjora rya kabiri rya CAF Champions League iyi kipe yanganyijemo na Pyramids FC yo mu Misiri 0-0.

Nyuma yo kugaragara ku mukino, Patrick yahaye ubutumwa aba Rayon bugira buti “Mwiriwe neza! Iyo photo ni iyanjye, uyu munsi nagiye gushyigikira equipe ya APR yakinnye na Pyramid, mpitamo kuyishyigikira nambaye umwenda wayo. Icyo ni igitekerezo cyanjye bwite kandi numva kitambangamiye.”

Yasoje agira ati “Ikitonderwa

1:Niba hari uwo iyi photo yabangamiye musabye imbabazi.

2: Ndi umufana wa Rayon Sports kandi ntawanimbuza.”