Kubwayo Mc croix
Ku wa Gatandatu tariki ya 10 Gicurasi 2025, ikipe ya Kaizer Chiefs yegukanye igikombe cya Nedbank Cup nyuma yo gutsinda Orlando Pirates ibitego 2-1 mu mukino wa nyuma wabereye kuri Durban stadium.
Umukino watangiye ku muvuduko uri hejuru, aho Kaizer Chiefs yabonye penaliti hakiri kare ku munota wa 10 nyuma y’ikosa ryakorewe Pule Mmodi. Gastón Sirino ni we wahise ayinjiza neza, ashyira Amakhosi imbere. Gusa ibyishimo byabo ntibyatinze kuko ku munota wa 17, Evidence Makgopa yatsinze igitego cyiza cyo kwishyura ku ruhande rwa Orlando Pirates.
Amakipe yombi yakomeje guhangana bikomeye, ariko ku munota wa 80 ni bwo Kaizer Chiefs yongeye kubona igitego binyuze kuri Yusuf Maart, cyanaje kuba igitego cy’intsinzi. Uyu mukinnyi kandi ni na we watowe nk’uwahize abandi muri uyu mukino, biturutse ku ruhare rukomeye yagize mu mukino wo hagati no gutsinda igitego cy’ingenzi cyashimangiye intsinzi y’ikipe ye.
Nk’uko byatangajwe na Kick Off, iyi ntsinzi ya Kaizer Chiefs ije ikomeye kuko iyi kipe yari imaze imyaka 10 itegukana igikombe kinini. Ibi bituma iyi ntsinzi ifatwa nk’impinduka mu mateka yayo, ndetse abayobozi bayo batangaje ko igikombe cya 2025 ari intangiriro y’indi nzira yo gusubiza ikipe yabo ku rwego rwo hejuru.
Yusuf Maart wahoze akinira Orlando Pirates, yashimangiye ko ari umukinnyi ukomeye kandi wafashije cyane Kaizer Chiefs muri uyu mukino wa nyuma.
Amashusho agaragaza uburyo abafana bishimiye igikombe
Abafana b’iyi kipe bari baturutse imihanda yose mu gihugu baranezerewe, baririmba indirimbo z’ishimwe, abandi bagaragaza ko iyi ntsinzi ari igisubizo cy’igihe kinini bari bamaze bategereje.
Amafoto y’ibyaranze umukino
