Aphrodis Nizeyimana
Rutahizamu ukiri muto cyane Kylian Mbappe yatangaje amagambo ataryoheye amatwi y’abakunzi b’ikipe ya Paris Saint Germain ndetse n’abakunzi ba shampiyona y’igihugu cy’u Bufaransa.
Kapiteni w’ikipe y’igihugu y’u Bufaransa Kylian Mbappe ari kwifuzwa cyane n’ikipe ya Real Madrid imaze igihe imwereka ko imukeneye cyane kandi uyu musore nawe yamaze kugaragaza ko yifuza kujya muri iyi kipe y’ubukombe ku mugabane w’i Burayi.
Rutahizamu wa Paris Saint Germain Kylian Mbappe yamaze gutangaza ko atazigera yongera amasezerano afitanye n’iyi kipe azarangira muri 2024.
Ibi uyu musore yatangaje byabaye inkuru mbi ku bakunzi ba PSG ndetse n’ubuyobozi bwayo kubera ko basabwa ku gurisha uyu mukinnyi muri iyi mpeshyi kugira ngo atazagendera ubuntu mu gihe amasezerano ye yaba arangiye.
