Kubwayo Mc croix
Juventus iri mu biganiro na Paris Saint-Germain (PSG) ku masezerano yo gutiza rutahizamu Randal Kolo Muani, amasezerano afite amahirwe yo kumugura burundu ku gaciro ka miliyoni 60 z’amayero. PSG yifuza ko uyu mukinnyi abonera umwanya uhagije wo gukina, cyane ko atabonye amahirwe menshi kuva aguzwe muri Nzeri 2023 avuye muri Eintracht Frankfurt.
Juventus ikomeje gushaka uko yakemura ikibazo cy’umusaruro muke mu busatirizi, kuko rutahizamu Dusan Vlahovic atitwara neza. Randal Kolo Muani w’imyaka 26 azwiho kwihuta, kubaka amahirwe, no gutsinda ibitego, akaba ashobora kuba igisubizo Juventus yifuza kugira ngo yongere guhatanira ibikombe bikomeye.
Nubwo amakipe nka Tottenham Hotspur na Manchester United na zo zigaragaje inyota yo kumwegukana, Juventus ifite icyizere gikomeye bitewe n’imikoranire myiza ifitanye na PSG ndetse n’ubushake bwa Kolo Muani bwo kubona ikipe izamuha umwanya wo gukina bihagije.
Ibiganiro birarimbanyije hagati y’impande zombi, kandi birashoboka ko amasezerano azarangira mu minsi mike iri imbere. Niba ibyo byagezweho, Kolo Muani azafasha Juventus mu gice cya kabiri cya shampiyona ya Serie A no mu mikino ya UEFA Europa League.
