Connect with us

izindi nkuru

Ubusobanuro, inkomoko n’imiterere y’abantu bitwa Jean Marie Vianey

Published

on

Jean Marie Vianey ni izina ry’abahungu rigizwe n’amazina 3 . Jean, Marie na Vianey. Ntitwabashije kubona rero niba ryaba rifite ubusobanuro bwaryo rifatanye ariko dire ubusobanuro bwa buri rimwe muyarigize ndetse n’imiterere iranga abayitwa.

Komeza usome
Advertisement
Click to comment

Comment

izindi nkuru

Menya akamaro k’indimu ku buzima bwa muntu n’impamvu ukwiye kuyirya buri munsi

Published

on

Indimu ni urubuto rwiza kandi rufite akamaro gakomeye ku buzima bw’umuntu. Nk’uko tubikesha urubuga superfoodly.com, indimu zishobora kunyobwa mu mazi cyangwa zikaribwa nk’imbuto bisanzwe.

Indimu ikungahaye cyane ku butare bwa “potassium”, “calcium”,”copper”, ndetse ikagira na vitamine A, B na C ndetse na Fer. Ikindi kandi indium ni urubuto rutagira ibinure bibi.

1. Indimu zongera ubudahangarwa bw’umubiri

Impamvu ituma indimu yongerera umubiri ubudahangarwa, ni uko indimu ari isoko karemano ya Vitamine C, iyo Vitamine C ikaba ifasha mu kurinda umubiri indwara.

Indimu zirinda indwara zifata urwungano rw’inkari n’utuntu tumeze nk’utubuye tujya mu mpyiko.

Indimu ifasha mu gukora inkari nyinshi, iyo umuntu anyoye amazi arimo indimu bituma ajya Kunyara cyangwa Kwihagarika kenshi. Uko kwihagarika kenshi bifasha mu gusohora udukoko tubi twa “bacteria” mu mubiri, ibyo rero bikagabanya ibyago byo kurwara indwara zifata urwungano rw’inkari.

Ikindi kandi, ayo mazi arimo indimu ni meza ku mpyiko, kuko agabanya ibyago byo kugira utuntu tumeze nk’utubuye tujya mu mbyiko (kidney stones). Niba rero umuntu yarigeze guhura n’icyo kibaza cyangwa afite impungenge zo kuzahura na cyo, yagerageza kujya anywa amazi arimo indimu yamufasha kukirwanya.

2. Indimu ifasha abantu bakunda kubabara mu ngingo

Hari abantu bakunda kugira ikibazo cyo kubyimba mu mavi cyangwa mu bujana, ibyo akenshi ngo biterwa n’uko ikitwa “uric acid” kiba cyabaye kinshi aho hantu, indimu rero ikaba yifitemo ubushobozi bwo kuyigabanya. Indimu kandi inongerera umuntu imbaraga, akaba yanakora siporo bityo akagabanya indwara zifata mu ngingo.

3. Indimu zifasha abantu bashaka kugabanya ibiro

Abahanga bavuga ko ibyitwa “pectin fiber” biba mu ndimu, bigabanyiriza umuntu ubushake cyangwa ipfa byo kurya, iyo rero umuntu adashaka kurya cyane, ni imwe mu ntambwe zo gutakaza ibiro kandi mu buryo bwiza budahungabanya ubuzima bw’umuntu. Hari n’abavuga ko indimu irwanya ibibazo by’igogora rikagenda neza.

4. Indimu ifasha mu kugenzura aside mu mubiri “Acid Balance”

Iyo umuntu afite aside nyinshi mu biri we, biba bimwongerera ibyago byo kugira ibibazo by’uburwayi bitandukanye harimo no kubabara mu ngingo, za Diyabete, kubyimbirwa “inflammation”, indwara z’amagufa, indwara z’uruhu n’ibindi.

Nubwo indimu ubundi igizwe na aside, iyo igeze mu mubiri w’umuntu ihunduka “alkaline” , abaganga basaba umuntu kunywa amazi arimo indimu n’umunyu kuko byombi byifitemo aside ku rwego rwo hejuru, ariko bihinduka “alkaline”, kandi bifasha kuringaniza aside mu mubiri.

5. Indimu ifasha mu bijyanye n’umuvuduko w’amaraso n’imikorere y’umutima

Vitamine n’ubutare bitandukanye biboneka mu ndimu, bifatanya mu gutuma umutima ukora neza. By’umwihariko “Potassium” iba mu ndimu ifasha mu kugabanya umuvuduko w’amaraso mu gihe uri hejuru, naho Vitamine C ikagenzura ibinure bibi “cholesterol”, ikanafasha amaraso gutembera neza mu mubiri.

Indimu yarinda ibibazo bifite aho bihuriye n’umutima harimo nko guturika imitsi yo mu mutwe “stroke” kurwara umutima bitunguranye “heart attack”, ikanasukura amaraso.

6. Indimu ifasha mu kwita ku buzima bwo mu kanwa

Usanga abantu bahora barwanya za “bacteria” zijya mu kanwa zikaba zahatera impumuro mbi, bibyara n’indwara zo mu kanwa zitandukanye. Amazi arimo indimu yafasha kurwanya icyo kibazo, kuko ikora nk’umuti wo kurwanya “bacteria”. Indimu ifasha n’abafite ibibazo bikomeye byo kubabara mu menyo cyangwa se kubabara mu ishinya.

Ikindi kandi, “calcium” iboneka mu ndimu ifasha mu gukomeza amenyo, ibyiza ngo ni ugukoresha indimu ifunguye, aside nyinshi yo mu ndimu idafunguye yakwangiza akantu kaba gafunitse iryinyo gatuma rimera nk’irishashagirana.

7. Indimu ifasha mu buzima bw’umusatsi n’uruhu

Vitamine C ni ikintu cy’ingenzi mu buzima bw’uruhu rw’umuntu. Kuko irurinda kurwara kanseri zimwe na zimwe zifata uruhu. Ikindi kandi iyo Vitamine C ifasha umusatsi n’uruhu rumeraho umusatsi guhorana umuzima bwiza.

Nk’uko tubikesha urubuga canalvie.com, hari abafata indimu nk’intwaro yo kurwanya indwara z’ibyorezo nka “choléra”.

Ubushakashatsi butandukanye bwagaragaje ko hari ibihugu byo muri Afurika y’ Uburengerazuba bikoresha umutobe w’indimu nk’intwaro yo kurwanya cholera cyane ko ari icyorezo gikwirakwizwa na “bacteria”. Ikindi kandi uwo mutobe bawukoresha nka ”antibiotique”. Hari n’ubwo bakoresha indimu mu kwirinda indwara ziterwa na virusi nk’ibicurane.

SOURCE: KIGALITODAY

Komeza usome

izindi nkuru

Dore ibintu 8 abasore/abagabo b’iki gihe bakunda ku bagore

Published

on

Muri kamere yabo burya, ngo abagabo bakunda kureba no kwitegereza abagore. Igituma umugore cyangwa se umukobwa akurura umugabo ngo biterwa ahanini n’ibyo uwo mugabo akunda. Muri rusange, ngo nubwo abagabo bakunda ibintu bitandukanye ariko burya ngo hari ibintu by’umwihariko ku bagore bikurura Usanga abenshi mu bagabo bakururwa cyane n’imiterere y’umubiri, ibice bimwe nabimwe by’umubiri nk’igituza, amatako ndetse n’imisatsi.

Gusa ariko hari ibindi bintu 8 abagabo bose bahuriraho mu gukururwa n’abagore.

1.Ibyishimo: Umugabo wese aho ava akagera yishimira umukobwa cyangwa se umugore uhorana umunezero utajya atinya kwishimira ubuzima arimo ubwo ari bwo bwose, atari ukuvuga ko yabonye ibintu bihenze cyangwa se iby’agaciro, ahubwo mu buzima bwe bwa buri munsi agahorana akanyamuneza. Iki ngo gikurura abagabo cyane kuko ngo ibi biha icyizere umugabo cy’uko bishoboka ko uyu mugore cyangwa se umukobwa ashobora kunezerwa n’igihe bari kumwe haba muri byinshi cyangwa se muri bike.

2. Gushima no kunyurwa: Abagabo bakunda abagore bashima. Mu gihe umugabo yagukoreye akantu runaka mwereke ko yakoze ikintu gikomeye. Mwereke ko wabonye kwitanga kwe ubihe agaciro, umushimire umubwire ko yakoze ikintu gikomeye kandi ko wishimye. Kuko ibi bituma umugabo yiyumva nk’umuntu ukomeye w’umugabo kandi ko afite akamaro kanini kuri wowe.

3. Imyitwarire myiza: Burya ngo abagabo cyangwa abasore muri rusange bakururwa n’abakobwa bitwara neza, mbega bashimwa na bose kuko ngo biba bibaha icyizere cy’uko uburere n’ubupfura bafite bashobora no kubisangiza abandi ndetse bakazanabitoza abana babo.

4. Kwiyubaha: Abagabo bishimira kandi bagakururwa cyane n’abakobwa biyubaha kuko baba bagaragaza itandukaniro n’abandi kandi bagahesha ishema abo baziranye.

5. Gutekereza no kwita ku bintu: Abakobwa bafite ibitekerezo , mbese batari ba ‘terera iyo’ bakurura cyane abagabo kuko ngo baba babona ko no mu gihe badahari bishoboka ko bafata inshingano z’urugo ntihagire icyangirika.

6. Kwemera gufashwa: Abagabo bakururwa n’abakobwaa bemera gufashwa ariko batifata nk’abatishoboye kuko ngo baba bababonamo guca bugufi.

7. Kubaha abandi: Iki ngo ni ikintu gikomeye gikurura abagabo kuko baba babona ko bene aba bakobwa bashobora kububahira inshuti zabo ndetse n’imiryango.

8. Gushyira mu gaciro: Abagabo bakunda kandi bakishimira abakobwa bazi gushyira mu gaciro, kuko ngo baba bashobora kwifatira icyemezo ku buzima bwabo kandi bikagenda neza.

Komeza usome

izindi nkuru

Imitoma igezweho wabwira umukobwa agahita akwegurira umutima we wose

Published

on

Koherereza amagambo meza umukobwa w’inshuti yawe ukoresheje ubutumwa bugufi ni ikintu cy’ingenzi cyane ku buryo utazatekereza no kwicuza mu buzima bwawe.

Dore imitoma igezweho wabwira umukobwa agahita akwegurira umutima we wose

1. Ndi kumwe nawe sinzigera nicuza mu buzima bwanjye, igihe kirekire ntikizigera kimbera nk’imyaka igihumbi.

2. Nsagwa n’ibyishimo byo kuba ndi kumwe nawe igihe cyose, kuvugana nawe, ndetse no kumva uri hafi yanjye bituma numva nezerewe mu umutima wanjye.

3. Ni wowe si yanjye narintegereje, imbaraga zinsunika zinjyana aho uri kuko kuba aho uri ntako bisa.

4. Nishimira cyane kugusoma kurusha uko nasoma undi muntu uwariwe wese kuko iminwa yawe impumurira neza nkumva nayigumana.

5. Iyo utari kumwe nanjye mbura ingingo zimwe na zimwe z’umubiri wanjye, nkumva nsigaye njyenyine ku isi.

6. Iyo uri kumwe nanjye mu mwanya mwiza nk’uyu w’umunezero, kugutekereza byonyine binzanira ibyishimo bidasanzwe, ese waba ubizi?

7. Mu gihe wumva uri wenyine, ujye ureba hagati y’intoki zawe wibuke ko ariho intoki zanjye zikwirwa neza honyine kurusha uko nazifatisha hagati y’intoki z’undi muntu.

8. Iyo nkubonye ntekereza ijuru mu gihe gito ubundi nkumva niho nibereye bigatuma ndushaho kuba hafi y’Imana kuko ariyo yakungeneye.

9. Ubuzima bwanjye nabuboneye muri wowe, kuko iyo utabaho nta buzima bwiza mba mfite kuko kubaho nkubona iruhande rwanjye binyongerera iminsi yo kurama ku isi.

10. Bavuga ko umuntu agwa mu rukundo rimwe gusa ariko njye iyo nkubonye iruhande rwanjye utuje undebana akanyamuneza n’ubwuzu bituma nongera kugwa mu rukundo inshuro zitabarika.

11. Rimwe na rimwe mba numva umutima wanjye ugiye guturitswa n’ibyishimo bivanze n’umunezero iyo nkutekereje kuko akenshi bituma mbura amahoro mu mutima wanjye.

12. Sinigeze mbasha kumenya neza ko nzagira ubuzima bw’umunezero mbukesha wowe igihe nakubonaga mu maso yanjye bwa mbere nkumva ibyishimo bitashye umutima wanjye.

Komeza usome

izindi nkuru

Utuntu duto 11 wakorera umukobwa mukundana akagukunda byimazeyo

Published

on

Biroroshye kuba umusore yatuma umukobwa badakundana amukunda kuruta uko yatuma uwo bari mu rukundo cyangwa uwo babana abona impamvu yihariye yo kumukunda. Iyo wamaze kumwigarurira umukoro uba usigaye kandi ukomeye ni ugutuma ahora agukunze.

Kuko usanga abasore benshi bahangayikishijwe n’icyatuma abakobwa bakundana bahora bari mu rukundo nabo, niyo mpamvu umunyamakuru wa Inyarwanda.com yifuje kubasangiza bimwe mu byabafasha gusigasira urukundo rwanyu rugahora ruhari.

Musore, hari utuntu duto cyane twagufasha guhora uri uw’ibanze mu mutima w’umukobwa mukundana kuko burya utuntu dukurura abakobwa erega ni na duto. Ntabwo abakobwa bagoye, ariko iyo ushatse kubijyana kure nibwo bagorana kandi ubusanzwe muri kamere yabo bwite baroroshye na cyane;

1. Shaka uburyo bwo gutuma aseka anamwenyura. Gutuma umukobwa aseka biguturutseho bituma ahora agutekerezaho.

2.Muhe impano mu gihe atabitekerezaga; ntugahore utegereza ko isabukuru ye igera. Wanamutungura mu minsi isanzwe ukamuha impano, kandi impano yose ntibivuze ko igomba kuguhenda.

3.Wowe ubwawe garagaza urukundo (Be Romantic). Muhamagare utuzina twiza kandi turyoshye. Iga kumugaragariza urukundo no mu marenga, umubwire amagambo meza. Abakobwa barabikunda ariko ntibakunda cyane ibikabyo.

4.Niba yakoresheje umusatsi, inzara, yambaye imyenda myiza, yisize MakeUp n’ibindi, bimenye umubwire uko ubibona kuko akenshi ni wowe aba abikoreye. Ushobora kwibaza ngo gute? Iyo mufitanye gahunda agerageza kwikoraho cyane kugira ngo aho mujya ntagusebye cyangwa yabikora mutari kumwe akakwereka uko bimeze. Kwiyitaho kwe, aba yumva atari kubyikorera ahubwo aba ari wowe akoreye mu bundi buryo.

5.Mwumve! Iki nicyo gikunda gutsinda abasore benshi. Kumva ko ari umugabo umukobwa atagomba kuvuga ni byo bisenya urukundo akenshi. Kandi abakobwa bakunda abahungu babatega amatwi iyo bavuga kuko hari ubwo usanga ari wowe wenyine yisanzuraho abwira byose. Iyo utamwumvise rero bimuca intege akumva ntaho muri kugana. Umusore umwumva ntiyamureka bibaho.

6.Kumubwira uko aseka, uko asa, ubwiza bwe, uko yambaye n’ibindi byose. Niba ari byiza kuki wifata ntubimubwire? Ese abandi nibabibona bakabimubwira utekereza ko uzaba udataye amanota kuri we agatsindirwa n’abandi? Ubona iyo ubimubwiye atanezerwa? Ni uko akunda kubyumva biguturutseho cyane kurusha uko yabibwirwa n’abatabigenewe.

7.Ntukareke kugaragaza urukundo, n’ubwo mwaba mumaranye imyaka ingahe. Aba yumva ahora yifuza urukundo rushya muri wowe, ba umunyadusha mu rukundo nawe azakubera umunyadushya. Mwige ibintu bishya mwembi muri kumwe.

8.Gerageza kumwiga, umenye utuntu tumunezeza utumukorere, bizatuma umuhora mu ntekerezo iteka.

9.Tuma yumva ko ari uw’agaciro kandi burya abakobwa bakunda guteteshwa. Bizatuma akubaha kandi yumve agufitiye umwenda wo kukwishyura iteka ryose.

10.Ba umugabo uzi icyo gukora ngo umukunzi we asubirane inseko n’ubwo yaba ari mu bihe by’akababaro.

11.Mushimire no ku bintu bito agukorera kuko kutamwereka icyo ubitekerezaho bituma ahora arwana n’umutima yibaza ikikunezeza.

Kumushimisha ntibyaba bigoye kurenza ibi byose. Kuba uri mu rukundo n’umukobwa ukwitaho, ibi byose bizamushimisha. Kandi basore ntimutekereze ko muzaba muvunikiye ubusa, ibi bizatuma akomeza kugukunda kurushaho, ariko ubwo uzaba ukora ibyo nawe bizamutera imbaraga ndetse n’ubushake bwo kugukorera ibindi kandi byiza. Ibyo byose bizatuma muhuriza hamwe mu kubaka urukundo rwanyu mwembi.

Komeza usome

izindi nkuru

Niba ufite inshuti zifite iyi myitwarire byaba byiza uziretse.

Published

on

Mu buzima bwa buri munsi tugira abantu twita inshuti zacu. Hari abo twita inshuti magara, hari inshuti twita umwihariko gusa hanabaho inshuti twita izisanzwe, bamwe baba bari aho, mushobora guhura rimwe mu mwaka ukumva nta kibazo, gusa yagira ikibazo ukamutabara, ukamuba hafi.

Ariko hanabaho abantu tuba twita inshuti ariko uko batwitwaraho bikaba bihabanye n’ubushuti nyakuri. Kubera ko nubwo twe tubita inshuti ariko uburyo bo batwitwaraho bikaba rwose atari ubushuti.
Hano tugiye kukwereka abantu ukwiye gukura ku rutonde rw’inshuti zawe kuko uko bakwitwaraho buhabanye n’ibyo inshuti zikora.

1. Inshuti ikugerekaho amakosa.

Nta zibana zidakomanya amahembe birasanzwe. Ariko se niba buri gihe akwereka ko ari wowe munyamafuti, ko wamunaniye, kandi ukaba ubibona unabizi ko nta kosa wakoze, iyo ni inshuti nyabaki? Gusa na we suzuma niba koko atari wowe wamunaniye.

2. Inshuti itubaha imipaka yawe.

Buri wese mu buzima bwe agira umupaka runaka. Ushobora kuba uvuga uti sinitaba nyuma ya saa yine z’ijoro, sinjya mu kabari ngo ntinde gutaha, sinywa iki n’iki… Ibyo ni uburenganzira bwawe kandi ukwiye kubyubahirwa. Niba rero imipaka wishyiriyeho aba uwa mbere mu kuyirenga, nta mpamvu ifatika ibiteye, ntagukunda ahubwo aragusuzugura.

3. Inshuti idafata iya mbere.

Ni wowe uhamagara gusa, kwandika ni wowe ubibanza, kumusura no kugusura byose ni wowe ubanza kubisaba, gusohokana ni wowe. Harya ubwo tuvuze ko uri kumwihomaho twaba tubeshye?

4. Inshuti idaha agaciro igihe cyawe.

Mwahanye gahunda ya saa tanu akugeraho saa kumi, atanabanje kukuenyesha ko ari butinde. Umubwiye ko saa tatu uba winjiye mu ishuri nta kuguhamagara, nuko zirenzeho icumi ukabona arahamagaye wakitaba ati nari nibagiwe. Mwapanze ikintu ku isaha, bituma ugira ibyo wigomwa nuko ku munota wa nyuma ati uzi ko mbona ntakibonetse. Wabaza igitunguraye ukumva ntigifatika. Ubwo wowe ntacyo wumvamo?

5. Inshuti iguca intege.

Ubusanzwe inshuti zibereyeho guterana ingabo mu bitugu, gutabarana aho rukomeye. Ariko uramubwira ibyo upanga gukora ati reka ibyo ntiwabibasha, ati wahita uhomba wowe ndakuzi… Akubwiye atyo akarenzaho kukwereka ikindi wakora, nta cyo bitwaye. Ariko kuguca intege gusa, nta kindi akunguye, si ubushuti

6. Inshuti ihorana ukuri

Nubwo wenda wumva ko iyi ari yo nshuti nyayo nyamara nugenzura uzasanga ari yo mbi kurenza izindi. Umuntu muhora muhuza kuri buri kimwe, akakwereka buri gihe ko ibyo avuga ari byo, nawe ukumva koko ni ukuri, umuntu twakita “Mr/Mrs Always Perfect”, aha na ho witonde wasanga ashaka kugupakiramo ibye ukazashiduka uri ingaruzwamuheto ye, ugahinduka “Ndiyo Bwana”

7.Inshuti itakubaza uko umeze.

Niyo muri kumwe usanga akubwira ibye gusa, aguhamagara akubwira ibye ariko ntarigera na rimwe akubaza wowe uko umerewe, muri make kuba akureba cyangwa akumva birahagije gusa. Uwo si inshuti ni rubanda kuko inshuti iba ihangayikishijwe n’ibyawe, uko waramutse, uko wiriwe, amakuru yawe, gahunda zawe…

8.Inshuti ikwibuka iyo igukeneye gusa.

Ukwezi gushize atanakwandikira cyangwa ngo aguhamagare, none agize gahunda yakemurwa nawe nibwo yibutse ko uhari, bumwiriyeho yibuka kukuvugisha ngo aze acumbike iwawe. Anyuze iwawe yibuka kuguhamagara akubwira ko ahanyuze… Mbese iyo abonye igituma akwibuka ni bwo akuvugisha.

9.Inshuti idaha agaciro uwo uri we.

Buri wese agira uko azwi kandi uwo uri we bituma hari uburyo bumwe cyangwa ubundi witwaramo. Niba uri maneko ni urugero, inshuti yawe niba ibizi iba ikwiye kubigira ibanga.

Wenda se uri undi muntu runaka ariko kuko mwabyirukanye ashaka gukomeza kukwita twa tuzina, kuvogera aho ukorera ngo kuko muri inshuti, ibi nta nshuti nyayo ibikora.Ni zimwe tuvuze, ariko niba mu nshuti ufite harimo izitwara gutya, ni cyo gihe ngo uve ku giti ujye ku muntu.

Komeza usome

Trending

Copyright © 2020 YEGOB

%d bloggers like this:
Enable Notifications.    Ok No thanks