Iyi nkuru wayifata nk’urwenya ariko ifite isomo rikomeye ku bakundana.

Mature black couple embracing on sofa while looking to each other. Romantic black man embracing woman from behind while laughing together. Happy african wife and husband loving in perfect harmony.

Iyi ni inkuru ushobora kuyifata nk’inkuru y’urwenya rwo kuruhura umutwe ariko ikaba yanatuma umuntu arushaho gutekereza kandi akagira icyo yunguka mu bitekerezo bye.

Umunsi umwe umugore yagiye guhaha, ageze aho agomba kwishyurira afunguye isakoshi umukozi w’iduka abonamo telekomande, ananirwa kwifata aramubaza ati : “Buri gihe se witwaza telekomande ?” Umugore aramusubiza ati : “Oya si buri gihe, ariko umugabo wanjye yanze kumperekeza guhaha ashaka kwirebera imipira y’I Burayi, mpitamo kuyimutwara”

Isomo : Ntukirengagize guherekeza no gushyigikira umugore wawe mu bimushimisha atazaguhima

Inkuru irakomeza… Umukozi w’iduka yarasetse, nyuma afata bya bindi umugore yari aguze byose arabisubirana. Umugore yarumiwe amubaza icyo abikoreye. Umukozi ati : “Umugabo wawe yafunze ikarita yawe ya banki wari ugiye kwishyuriraho none ntikora….”

Isomo : Ntukigere usuzugura ibishimisha umugabo wawe

Inkuru irakomeza… Umugore yahise asohora ikarita ya banki y’umugabo we kuko yari yayitwaje, aba ari yo yifashisha, asanga yo umugabo atibutse kuyifunga.

Isomo : Ntugasuzugure ubushobozi n’ubushishozi by’umugore wawe

Inkuru irakomeza… Umugore amaze gushyira ikarita mu mashini, hahita hiyandikamo ngo ‘SHYIRAMO UMUBARE W’IBANGA TWOHEREJE KURI TELEFONI YAWE’…..

Isomo : Iyo umugabo ageze aho yenda gutsindwa, ntihabura aho hafi ikimutabarira

Inkuru irakomeza… Umugore yamwenyuye gato yikoza hanze nk’ugiye kwitaba telefoni ihamagaye mu isakoshi ye. Ni iy’umugabo we yari yakiriye ubutumwa bugufi yohererejwe. Na yo umugore yari yayitwaranye na telekomande kugirango umugabo ataza kumuhamagara yibereye mu isoko. Yaragiye yishyura ibyo yahashye, yitahira anezerewe.

Report

Shyiraho igitekerezo

What do you think?

150 Points
Upvote Downvote

Niba umukunzi wawe arangwa n’ibi bimenyetso mucungire hafi kuko yifuzwa na buri wese

Byiringiro Lague agiye kuzajya akinira ikipe yo mu Busuwisi