HARAGIRIMANA Dieudonne
Mu gitondo cy’itariki 8 Werurwe 2021 ,nibwo abanyarwanda by’umwihariko abakirisitu bumvise inkuru y’akababaro yavugaga ko Nsabigaba Jean Paul wari uzwi ku izina rya Danny nk’umuramyi ndetse n’umwanditsi mwiza w’indirimbo zo kuramya no guhimbaza Imana yitabye Imana.
Ni inkuru yashegeshe imitima ya benshi bijyanye no kuba Danny yari amaze igihe gito ashatse umugore wabaga muri Leta Zunze Ubumwe za America ndetse baniteguraga kwibaruka imfura yabo ,ibyashenguye benshi kumva ko yaba umufasha we ndetse n’umwana we batakigize amahirwe yo gukomezanya ubuzima nawe .
Nsabigaba Jean Paul (Danny) yaririmbaga muri Kingdom Of God Ministries ,ndetse akaba yaragize uruhare mu kwandika indirimbo nyinshi zabo zirimo “Ninde Wubaha Uwiteka” n’izindi zitandukanye.
Amakuru yavugaga ko Danny yasanzwe amanitse mu mugozi yitabye Imana mu gitondo cyo kuwa 8 Werurwe 2021 , uyu munsi inshuti n’abavandimwe bakaba bazirikana ubuzima bwa Danny umaze imyaka 2 atabarutse.
