Italiki Zlatan Ibrahimovic azagarukira mu kibuga n’ikipe azakinira byagiye ahagaragara

Rutahizamu w’ikipe ya Manchester United Zlatan Ibrahimovic nyuma yuko amasezerano ye arangiye muri ino kipe ndetse akaba yarahakaniye amakipe yo mu bushinwa no muri Amerika yamwifuzaga kuberako atifuza kuva mu bwongereza, kurubu abakunzi b’ikipe ya Manchester United bari bategereje kureba akazoza k’uyu mugabo wabatsindikiye ibitego byinshi muri Champiyona ishize.

Amakuru dukesha ikinyamakuru Manchester Evening aravuga ko mu masaha 24 ari imbere uyu mugabo agomba kuba asinye andi masezerano y’umwaka muri Manchester United bikaba biteganyijwe uyu mugabo ashobora kugaruka mu kibuga mu mpera z’ukwezi kwa Cyenda cyangwa mu ntangiriro z’ukwezi kwa cumi. Tukaba dutegereje kureba ko ikipe ya Manchester United iri bwemere ubusabe bw’uyu mugabo uhagarariwe na Mino Raiola.