Geovanis
Ni inshuro zigera kuri ebyiri aho hibazwa imibereho ya rwamagana city niba izatuma ikina ikiciro cya mbere byibuze kikanarangira dore ko ubuzima butameze neza muri iyi kipe.
Cyera bavugaga ko umuntu ava mu cyaro ariko cyo kitamuvamo, none ni byo biri kuba kuri Rwamagana City yavuye mu cyiciro cya kabiri ariko yo kikaba cyaranze kuyivamo dore ko ikomeje kugenda biguru ntege ndetse bihangayikishije abaturage bo muri aka karere bari bishimiye kongera kubona ikipe yabo.
Kuri uyu wa 6 ni bwo Rwamagana City yakinnye na Police FC umukino wa gicuti kuri sitade y’Akarere ka Ngoma, Police FC iyitsinda ibitego 3-0 byatsinzwe na Usengimana Danny, Onesme ndetse na Dominique Ndayishimiye.
Usibye kwerekana ishusho y’uko ikipe ihagaze mu kibuga, uyu mukino wanerekanye uko ikipe ya Rwamagana City ihagaze no mu mikoro kuko kugira ngo ive i Rwamagana igere i Ngoma no kuva i Ngoma isubira i Rwamagana byabaye induru.
Imodoka yarabuze abakinnyi bari bariye amandazi bubiriraho mu nzira bituma hibazwa niba iyi kipe izasoza imikino y’iliciro cya mbere byibuze.
