HARAGIRIMANA Dieudonne
Ubukungu mu ikipe ya FC Barcelona bukaba bwifashe nabi ndetse ubungubu iyi kipe ikaba itabasha kuba yabona amafaranaga yo kugura abandi bakinnyi.
Usibye n’ibi kandi iyi kipe ikomeje kugongwa n’imishahara fatizo yashyizweho n’ubuyobozi bwa La Liga, byose bikaba ari ibibazo biza byiyongera mu bindi.
Mu gushaka ibisubizo byihutirwa umuyobozi mukuru wa FC Barcelona Joan Laporta ndetse n’abandi bafatanya kuyobora iyi kipe, bashaka gukata imishahara abakinnyi kugirango barebe uko babasha kubaho.
Nubwo byifashe gutya ariko, abanyamigabane bakuru biyi kipe bakaba bataramenyeshwa uyu mwanzuro wafashwe kubw’ibyungu z’ikipe.
Nkuko amakuru dukesha Marca abitangaza, ni uko byitezweko mu minsi iri imbere abakinnyi batozwa na Xavi bazamenyeshwa uyu mwanzuro w’incamugongo.
