HARAGIRIMANA Dieudonne
Ikipe ya Intare FC yandikiye FERWAFA iyisaba ko Rayon Sports yaterwa mpaga mu mukino wo kwishyura bafitanye muri ¼ k’Igikombe cy’amahoro.
Intare FC ivuga ko kuva yabona ibaruwa ya FERWAFA ivuga ko umukino wabo wimuriwe tariki 10 Werurwe 2023, nta yindi baruwa bigeze babona iyivuguruza.
Ngo usibye kuba barabonye ibaruwa ivuga ko Rayon Sports yagarutse mu gikombe cy’amahoro, ngo bo ntibigeze banamenya niba yari yavuye muri icyo gikombe.
Bityo rero Intare FC yisunze amategeko agenga Igikombe cy’amahoro 2023 isaba ibi bikurikira:
1.Kwemeza ko Rayon Sports yananiwe gutanga ikibuga izakiriraho Intare FC mu gihe cyagenwe ibisabwe n’’urwego rubifitiye ububasha ari narwo rutegura irushanwa;
2. Kwemeza ko Rayon Sports itewe mpaga mu mukino wo kwishyura wa 1/8 cy’irangiza mu irushanwa FERWAFA Peace cup 2023.
3.Kwemeza ko Intare FC ari yo ikomeza mu cyiciro gikurikiyeho kuko igiteranyo cy’ibyavuye mu mukino ubanza n’uwo kwishyura ari ibitego 2-4.
