Inkuru y’umugeni warozwe agikora ubukwe akajya aruka inyama z’amaroti ikomeje gukura abatari bake umutima

Umubyeyi witwa Tuyishimire Vestine yatanze ubuhamya bwateye abantu ubwoba aho yavuze ko yarozwe akajya aruka inyama z’amaroti.

Ibi yabitangaje mu kiganiro yagiranye na Isimbi Tv ku muyoboro wa YouTube mu gice cyo gutanga ubuhamya cyinyura kuri iyo shene.

Uyu mubyeyi avuga ko yarozwe akiri umugeni amaze ibyumweru bibiri akoze ubukwe ni uko aza kwivuza mu bavuzi ba gakondo, bajya bamuha imiti imurutsa, akaruka inyama z’amaroti.

Uyu mubyeyi yaje kurokoka ayo marozi maze aza no kubyara umwana wa mbere, uyu mwana we na we yararozwe arogerwa rimwe na nyina. Nyina yari yararozwe kujya yumva intozi ziri kumurya umubiri wose ndetse n’iminyorogoto igenda mu nyama z’umubiri we. Umwana we yarozwe afite amezi atatu.

Uyu mubyeyi avuga ko yaje kurokoka ibyo bigeragezo byose, kuri ubu ni Umubyeyi w’abana bane.