Inkuru y’inshamugongo! Undi muhanzi yituye hasi ku rubyiniro ahita agagara

Umuhanzi wari ukunzwe cyane mu njyana y’amapianno, ukomoka muri Afurika y’Epfo, Costa Tsobanoglou wamenyekanye nka Cota Titch, yitabye Imana.

Uyu muhanzi wari ukunzwe mu njyana ya ‘Amapiano’ yitabye Imana nyuma yo kugwa ku rubyiniro. Yapfuye ari mu gitaramo cy’iminsi ibiri cya Ultra South Africa cyaberaga ahitwa Expo Centre i Nasrec muri Johannesburg.

Urupfu rw’uyu muhanzi rwemejwe n’umunyamakuru w’icyamamare muri Afurika y’Epfo Kgopolo Phil Mphela, wavuze ko yitabye Imana.

Costa Titch yari afite imyaka 27. Ni umwe mu bari bagezweho mu bihangano bitandukanye birimo ibya ‘Amapiano’ agezweho ku isi. Akaba yari akiri umusore.