Inkuru y’inshamugongo: Rama wafashaga abahanzi nyarwanda yitabye Imana

Rama Isibo umugabo wakundaga umuziki akanafasha abahanzi by’umwihariko mu kwandika indirimbo yitabye Imana azize urupfu rutunguranye.

Rama Isibo yanditse indirimbo zitandukanye zirimo ‘Sawa Sawa’ ya Bruce Melodie na Khaligraph Jones n’izindi ndirimbo nka ‘Deja Vue’ yaririmbwe na Yvan Buravan, ‘On it’ yaririmbwe na Bruce Melodie zose zikaba ziri kuri album ya Made Beats yise ‘Made in Kigali’.

DJ Pius yahamirije IGIHE aya amakuru y’urupfu rwa Rama Isibo, yagize  ati “Rama Isibo yitabye Imana ku wa 10 Gashyantare 2023 aguye mu bitaro bya CHUK aho yari amaze umunsi umwe gusa arwariye cyane ko yajyanywe arembye.”