Inkuru y’inshamugongo; Kigali habereye impanuka y’igare ihitana umwana w’umunyeshuri

Mu karere ka Kicukiro mu murenge wa Kigara haravugwa inkuru y’inshamugongo y’impanuka y’igare ryagonze abana babiri maze umwe ahita ahasiga ubuzima.

Ni mu muhanda uva mu Kigarama werekeza Nyamirambo aho aba bana bari bavuye ku ishuri maze ubwo bambukaga umuhanda, umunyonzi wari ufite umuvuduko udasanzwe kandi nta feri igare rye ryari rifite maze ahita agonga abo bana maze bagwa muri borodire.

Abaturage bari aho batangarije BTN Tv dukesha iyi nkuru ko abo bana umwe yari mu kigero cy’imyaka 8 undi ari mu kigero cy’imyaka 5 y’amavuko, uw’itanu niwe wahise ahasiga ubuzima.

Imbagukiragutabara yahageze ibatwara kwa muganga, uri mu kigero k’imyaka 8 nawe yari yakomeretse bikomeye gusa uw’itanu we byari byarangiye umurambo wa nyakwigendera nawe urajyanwa.