Inkuru y’akababaro ku bakunzi b’indirimbo zo kuramya no guhimbaza Imana

Mu gitondo cyo ku cyumweru tariki 19 Gashyantare 2023 ,nibwo hasakaye inkuru y’akababaro ku bakunzi b’indirimbo zo kuramya no guhimbaza Imana , yavugaga ko umwe mu bacuranzi bakomeye ba Piano Jasper Emman wacurangiye ama korali atandukanye mu Rwanda n’ama minisitiri yitabye Imana.

Amakuru avuga ko uyu musore yishwe n’impanuka ya moto yari atwaye mu ijoro ryo kuwa gatandatu ,tariki 18 Gashyantare 2023.

Jasper yacurangiye mu matorero atandukanye arimo Women Foundation  Ministries  ndetse acurangira abaririmbyi batandukanye barimo True Promises Ministries n’ayandi ma korali atandukanye mu Rwanda.

Jasper yari umuhanga mu bijyanye no gucuranga piano ndetse akaba yari yarashinze ishuri ryigisha umuziki yise Jasper  Music School ,ryibandaga cyane mu kwigisha gucuranga piano .