M.Ben
Inteko y’irurimi n’umuco yahawe gutegura irushanwa ry’ubwiza rya Miss Rwanda yemeje ko agiye gutanga ibihembo ku bakobwa bitabiriye iri rushanwa uyu mwaka.
Mu kwezi kwa Gatatu, nibwo iri rushanwa ryasojwe aho ryegukanwe na Nshuti Muheto Divine, kuva icyo gihe abakobwa bose begukanye ibihembo ntago barabishyikirizwa.
Inteko y’irurimi n’umuco yavuze ko yabanje kugirana ibiganiro birambuye n’ibigo bitera inkunga iri rushanwa, kugira ngo harebwe uko abakobwa batsindiye ibihembo babishyikirizwa.
Miss Rusaro Carine uri mu kanama kari gukurikirana ko abakobwa bahabwa ibihembo batsindiye muri Miss Rwanda 2022, yavuze ko bagiye kubitanga mu minsi iri imbere.
Mu kiganiro yagiranye na Radio Rwanda, yavuze ko bari kubikusanya kandi bakaba bagiye kubibashyikiriza vuba aha kuko ngo ibibazo byaje muri iri rushanwa byabaye nyuma y’uko begukanye ibi bihembo.
Yavuze ko kandi abakobwa bose bamaze kumenyeshwa uko gahunda yose iteye kandi ko n’abatarahabwa ibihembo byabo bigiye kubabona mu minsi iri imbere.
Ati: “Rero na banyampinga twabagejejeho ayo makuru, na bo bari tayali, igihembo gikuru cyatanzwe, imodoka yatanzwe n’ibindi bihembo biri mu nzira.”
Kugeza ubu inteko y’irurimi n’umuco niyo isigaye itegura ibikorwa byose bya Miss Rwanda, nyuma yo kwamburwa ubu bubasha Rwanda inspiration Backup yari ikuriwe na Ishimwe Dieudonne.
