THIERRY Mugiraneza
Ikipe ya Manchester United isanzwe ikina shampiyona y’ikiciro cya mbere mu Bwongereza yatangaje aho ikibazo cy’imvune ya Marcus Rashford kigeze.
Mu cyumweru cyashize nibwo hatangajwe ko Marcus Rashford rutahizamu wa Manchester United yagize ikibazo cy’imvune cyatumye asohorwa mu bakinnyi u Bwongereza bwari gukoresha bukina na Ukraine ndetse n’Ubutariyani mu gushaka itike y’igikombe cy’Uburayi.
Icyo gihe Manchester United yemeje ko Rashford yagize ikibazo cy’imvune mu mukino wa ¼ cya FA Cup.
Ubu amakuru Manchester United itanga ibinyujije ku rubuga rwayo yatangaje ko, Marcus Rashford yatangiye gukora imyitozo yoroheje ariko adakora ku mupira. Ibintu bitanga ikizere ko uyu rutahizamu ufite ibitego 27 uyu nwaka yazakina umukino Manchester United izasuramo Newcastle United mu mpera z’Icyumweru.
