HARAGIRIMANA Dieudonne
Ikipe ya Manchester United yakomeje kuvugwaho gushaka kugarura Gareth Bale mu gihugu cy’ubwongereza, gusa bikagenda bikomezwa nuko ikipe ya Real Madrid igishaka kugumana uyu munya Pays de Galle nubwo bwose yakomeje kwibasirwa n’imvune. Gusa aho iyi dosiye igeze ni ahantu ikipe ya Manchester United igomba gushyiramo imbaraga mu rwego rwo kwigarurira uyu mukinnyi.
Amakuru dukesha ikinyamakuru Evening Standard aravuga ko uyu mukinnyi yavuze ko naramuka atagiriwe icyizere cyo kubanza mu kibuga ku mukino wa nyuma wa Champions League uzahuza Real Madrid na Juventus, azahita yigendera akava muri iyi kipe ya Real Madrid kandi ko nawe yiyemerera ko gukinira ikipe ya Manchester United bitamugwa nabi. Ibi bikaba byashimishije bikomeye umutoza Jose Mourinho utoza ikipe ya Manchester United.
