Kubwayo Mc croix
Kiyovu Sports yafashe icyemezo cyo guhagarika umutoza mukuru, Joslin BIPFUBUSA, mu gihe cy’imikino ine kubera umusaruro mubi wagaragaye mu ntangiriro za shampiyona. Kugeza ubu, Kiyovu iri ku mwanya wa nyuma, imaze gutsindwa imikino itanu mu irindwi, ikaba yaratsinze umukino umwe gusa.
Mu gihe BIPFUBUSA azaba adahari, imyitozo n’imikino y’ikipe izayoborwa na Malick WADE, umutoza w’abato. Ubuyobozi bwatangaje ko iki cyemezo kigamije gushakira ikipe ibisubizo mu buryo bwihuse no gusubiza icyizere mu bakunzi bayo.
Kiyovu Sports yasabye abafana gukomeza gushyigikira ikipe muri ibi bihe bigoye, bizezwa ko hagiye gukorwa impinduka zikenewe kugira ngo ikipe izamuke mu manota no gusubira mu murongo wa shampiyona.
