HARAGIRIMANA Dieudonne
Umwe mu bakinnyi bakomeye bagiriye ibihe byiza mw’ikipe ya FC Barcelone cyane cyane kuva 2005 itwara Champions League 2006.Rafael Marquez w’imyaka 38 kandi ugikina ruhago,kuri ubu ntago yorohewe kuko Leta Zunze Ubumwe z’amerika zimushaka hasi hejuru.
Ni nyuma y’aho aketswe ko yaba yarifatanyije n’abandi bantu 22 bagakora agatsiko ko kwinjiza,gusohora no kugurisha urumogi (Cartel) mu gihugu cye cya Mexique harimo n’umugabo uzwiho gucuruza urumogi cyane witwa Raul Flores. Ikigo cya Leta Zunze ubumwe z’Amerika cyita ku mutungo n’ububiko (United States department of treasury) kikaba kimaze imyaka cyiga kuri uyu mugabo n’aka gatsiko ke bakemeza ko baba bafite casino ndetse n’ikipe ya football ibafasha guhisha amafaranga ava mu rumogi.
Uyu mugabo wahoze ari myugariro ukomeye wa FC Barcelone akaba ashakishwa bikomeye na Leta Zunze Ubumwe z’amerika kubera gucuruza urumogi.
