Inkuru Ishyushye-Ubuyobozi n’abafana ba Arsenal barashima bidasanzwe Neymar ubakijije agahinda gakomeye (Impamvu)

Mu gihe ikipe ya Paris Saint Germain yamaze igihe ishaka umusore Alexis Sanchez watangaje ko yifuza gukinira ikipe izitabira Champions League kandi Arsenal izakina Europa League,habuze gato ngo uyu musore yemere gukinira PSG kuko bari barangije kwumvikana hasigaye amafaranga yo guha Arsenal,gusa kuri ubu nk’uko ikinyamakuru “Mirror” kibitangaza nuko uyu musore n’iyi kipe kwumvikana byaba bisa nk’ibyapfuye.

Byose bikaba byarishwe na dosiye ya Neymar Jr ikipe ya PSG yiteguraga gutangaho miliyoni 222 z’amayero biba ngombwa ko ari we biruka inyuma kurusha Alexis Sanchez kuko n’ikimenyimenyi umushahara Sanchez yabasabye bavuze ko batawubona bamusaba kugabanya ibintu yaje no gukora nyamara wa mushahara yasabye mbere baza kuwemerera Neymar aramutse yemeye gukinira iyi kipe.

Kuri ubu Arsene Wenger akaba mu kiganiro yagiranye n’abanyamakuru yemeje ko uyu musore Alexis Sanchez igihe gito asigaje muri Arsenal ari umwaka umwe ko amahirwe menshi ari uko ntaho azajya.