HARAGIRIMANA Dieudonne
Nyuma y’iminsi myinshi Neymar avugwaho kwerekeza mw’ikipe ya Paris Saint Germain,kuri ubu yagize icyo avuga cyerekeye kuri ejo hazaza he gusa biterekeranye n’ikipe azakinira ahubwo na gahunda ze zisanzwe bikaba bije nyuma y’aho ejo yarwanye mu myitozo na mugenzi we nk’uko mwabisanga mu nkuru twabagejejeho ubushize (kanda hano )
Neymar abinyujije ku rubuga rwa Weibo rukora nka Twitter mu Bushinwa yivugiye ko azerekeza mu Bushinwa ku wa mbere nyuma y’umukino wa gishuti wa El Classico,aho azaba agiye gukomeza gahunda ze zo kwamamaza nubwo sosiyete yari yamutumije yari yavuze ko urugendo rwasubitswe kubera Neymar n’ikipe ye ya FC Barcelone bari kuganira ku by’igurwa ry’uyu musore.
Uwo mukino wa FC Barcelone na Real Madrid ukaba utegerejwe n’abafana benshi i Miami kuri uyu munsi.
