HARAGIRIMANA Dieudonne
Lionel Messi n’umugore we Antonella Roccuzzo basubiye i Barcelona muri Espagne, bongera guhura n’inshuti zabo ndetse baranasangira.
Nk’uko ibinyamakuru bibitangaza, ubuyobozi bwa Paris Saint-Germain bwahise butanga akaruhuko gato ku bakinnyi babo bituma Lionel Messi abyaza amahirwe umusaruro, asubira aho yakuriye mu buzima bwe bw’umupira w’amaguru.
Ku munsi w’ejo nimugoroba yahuye n’abakinnyi b’inshuti ze magara bagikina muri iyi kipe, aribo Jordi Alba na Serigio Bousquet.
Umugore wa Lionel Messi abinyujije ku mbuga nkoranyambaga ze yashyizeho ifoto aba bombi bari kumwe ubona baseka bose, maze ayiherekesha amagambo agira ati “ejo ryashize turi kumwe n’inshuti”.
