Inkuru ishyushye-Lionel Messi yasabye ikintu GITANGAJE ikipe ya FC Barcelone kugira ngo yongere amasezerano

Mu gihe abayobozi ba FC Barcelone bahangayikishijwe bikomeye na Lionel Messi utari kwongera amasezerano nyuma y’aho amakuru ari gucicikana i Burayi avuga neza ko uyu musore ari mu biganiro n’ikipe ya Manchester City,kuri ubu yayisabye ikintu kimwe ngo yongere amasezerano.

Lionel Messi mu masezerano mashya yemerewe umushahara wa miliyoni 35 z’amayero ku mwaka agasinya imyaka 4 mw’ikipe yakiniye kuva afite imyaka 13 ariko yaje gusaba abayobozi ba FC Barcelone ko yazasinya isoko ry’igura n’igurisha ry’abakinnyi rirangiye ni ukuvuga amaze kumenya abakinnyi bashya ba FC Barcelone muri iyi saison nshya.

Mu kwezi kwa 9 nibwo Lionel Messi yakwongera amasezerano gusa ikibazo abafana ba Barca bafite ni kimwe.Ese iyi kipe kugeza ubu itaragura abakinnyi ishaka iramutse nta mushya iguze,Lionel Messi yakwongera amasezerano?Amasezerano Lionel Messi afite akaba azarangira umwaka utaha wa 2018.