HARAGIRIMANA Dieudonne
Ikinyamakuru cyandikirwa mu Budage Football leaks cyamenyerewe cyane mu gutangaza amafaranga abakinnyi bahembwa,ayo banyereje mu misoro n’andi mafaranga agira aho ahurira na ruhago,aho benshi bakibuka gitamaza Lionel Messi na Cristiano Ronaldo ku mafaranga bahishe ngo banyereze imisoro ndetse bikabakoraho kuko bakurikiranywe n’inzego zibishinzwe nyuma y’aho,kuri ubu iki kinyamakuru cyashyize hanze amafaranga Neymar Jr ahembwa muri Paris Saint Germain.
Uyu musore w’imyaka 25 y’amavuko wasinye muri iyi kipe imyaka 5,ahembwa amafaranga arenga ibihumbi 100 by’amayero (100 000€) bingana na miliyoni 97 z’amanyarwanda mu masaha 24 gusa.Ku kwezi agafata arenga miliyoni 3 z’amayero ku kwezi ku mwaka agafata miliyoni 37 z’amayero akaba ari we mukinnyi uhembwa amafaranga menshi ku mugabane w’i Burayi.
