Social Mula
Miss Rwanda Ingabire Grace uri mu gihugu cya Brazil aho yitabiriye irushanwa rya Miss World ahagarariye igihugu cy’u Rwanda akomeje kugarukwaho n’abatari bake bitewe n’imyambarire ye ndetse n’imisatsi bemeza ko atazi kwiyitaho nk’abandi bakobwa.
Mu butumwa bugenda butambuka ku mbuga nkoranyambaga, benshi banenga Miss Grace kuba agaragara nkudashyira imbaraga mukwita ku bwiza bwe nkuko abandi bakobwa babikora, ibyo bakabihera ku kuba akunda kugaragara afite imisatsi idasokoje cyangwa ijagaraye.
Ubwo abakobwa bitabiriye irushanwa rya Miss world bifotozaga bambaye imyenda igaragaza imico y’ibihugu byabo, Miss Grace yagaragaye nawe yambaye umukenyero ndetse aza kugararagara ari kubyina indirimbo gakondo. Bamwe mubakoresha imbuga nkoranyambaga bakunze kuvugako yari yambaye imikenyero idashamaje, bagashimangira ko uyu mwari akeneye abantu bamuhugura mubijyanye n’imyambarire ndetse n’ubwiza.
