HARAGIRIMANA Dieudonne
Eric Rutanga na Yannick Mukunzi ni abasore babiri bakinira ikipe ya Rayon Sports. Aba basore bagiye muri iyi kipe nyuma y’igihe kitari gito bakinira ikipe ya APR FC ari nayo bazamukiyemo bakamenywa n’abakunzi b’umupira w’amaguru mu Rwanda.
Nkuko Eric Rutanga yaraye abitangaje mu kiganiro yagiranye na Radio Rwanda yavuze ko afitanye umubano wihariye na Yannick Mukunzi kuko bazamukanye muri academie ya APR FC bakajyana mu ikipe nkuru ya APR FC nyuma bakaza guhurira bose mu ikipe ya Rayon Sports ari nayo bakinira ubu. Eric Rutanga yongeyeho kandi ko nyuma yo kujyanwa mu ikipe nkuru ya APR FC, we na Yannick Mukunzi basabye ubuyobozi bwa APR FC ko bajya kwishakira inzu yabo bazajya babamo nyuma bakaza no kubyemererwa, guhera ubwo batangiye kubana kugeza magingo aya bakaba b’abana nk’abavandimwe.
