Impanuka y’imodoka yabaye mu gitondo, yahitanye abantu bagera kuri 32 abandi barenga 60 barakomereka

Impanuka y’imodoka yabaye mu gitondo, yahitanye abantu bagera kuri 32 abandi barenga 60 barakomereka.

Abantu bagera kuri 32 bapfiriye mu mpanuka y’imodoka nyinshi zagoganye mu Misiri, abandi barakomereka.

Iri gongana ry’imodoka ryabaye kuri uyu wa Gatandatu mu gitondo mu Majyaruguru y’Umurwa Mukuru, Cairo.

Minisiteri y’Ubuzima muri iki gihugu yatangaje ko abantu 63 ari bo bakomeretse.

Inkuru ya BBC ivuga ko iyi mpanuka yagizwemo uruhare na bisi itwara abagenzi n’izindi modoka nyinshi zirimo n’izahise zifatwa n’inkongi. Benshi mu bapfuye ngo ni abahiye kugeza bashizemo umwuka.

Impanuka nk’izi zikunze kubaho mu Misiri bitewe n’uko imihanda yangiritse ndetse amategeko y’umuhanda akaba atubahirizwa.