Impanuka iteye ubwoba y’imodoka yaritwaye abageni aho yarenze umuhanda igwa mu mwobo (AMAFOTO)

Abatumirwa batari munsi ya 15 barimo n’umwana barapfuye abandi 60 barakomereka nyuma yuko bisi yarenze umuhanda igwa mu mwobo mu ntara ya Punjab muri Pakisitani.

Nk’uko VOA ibitangaza, bisi yavaga Islamabad yerekeza i Lahore, yaguye mu mpera z’icyumweru mu karere ka Kallar Kahar Salt Range, nko mu birometero 240 uvuye i Lahore.

Umukozi ushinzwe ubutabazi bwihutirwa muri iki gihugu Muhammad Farooq yagize ati: “Bisi, mbere yo kugwa yabanje ku gonga imodoka eshatu ziva mu rundi ruhande maze zita mu muhanda.”

Impanuka zo mu muhanda zikunze kugaragara muri Pakisitani kandi ziterwa ahanini n’imihanda mibi, ibinyabiziga bitunganijwe nabi ndetse no gutwara ibinyabiziga bidasanzwe.