Impamvu Miss Pamella atigeze asanga The Ben ku rubyiniro mu gitaramo cyabereye muri BK Arena

Ku mugoroba wo ku ya 06 Kanama 2022 nibwo umuhanzi The Ben yakoreye igitaramo kiswe Rwanda Rebirth celebration concert muri BK Arena. Ni igitaramo cyari kitabiriwe ku rwego rwo hejuru. Mu bari bitabiriye iki gitaramo harimo na Miss Pamella Uwicyeza, Fiancé wa The Ben.

Ubwo The Ben yajyaga ku rubyiniro, Miss Pamella abinyujije kuri instagram ye yasangije abamukurikira uko The Ben yararimo gutaramira abari muri BK Arena mu buryo bwa Live.

Ubwo The Ben yararimo kuririmba, abafana be banyuzagamo bakamusaba guhamagara Pamella ngo aze ku rubyiniro maze nawe agasaba ko Pamella yaza ku rubyiniro gusa Pamella ntabwo yigeze aza ku rubyiniro.

Nyuma, The Ben yavuze ko fiancée we Pamella agira isoni cyane akaba ariyo mpamvu ataje ku rubyiniro ariko yongeraho ko amukunda cyane. Yagize ati « Pamella agira isoni cyane ariko turamukunda cyane, Imana imuhe Umugisha ».