Epaphrodite Nsengimana
Dodoma Jiji FC, imwe mu makipe akina shampiyona y’icyiciro cya mbere muri Tanzania (NBC Premier League), yakoze impanuka mu gitondo cyo kuri uyu wa Mbere hafi ya Nangurukuru, mu gihe yari mu rugendo yerekeza i Somanga, mu Ntara ya Lindi.
Iyi kipe yari ivuye mu mujyi wa Ruangwa nyuma yo gukina na Namungo FC. Mu buryo butunguranye, imodoka yari itwaye abakinnyi n’abakozi bayo yaremze umuhanda igwa mu gugezi. Amahirwe ni uko nta muntu wagize ibikomere bikomeye.
Abayobozi ba Dodoma Jiji FC batangaje ko bagiye gutanga ibisobanuro birambuye ku cyateye impanuka no ku mibereho y’abakinnyi nyuma y’iki kibazo.
Iyi mpanuka ibaye mu gihe iyi kipe iri gukomeza guhatana ngo igume mu cyiciro cya mbere cya shampiyona. Abakunzi bayo ndetse n’abakurikiranira hafi ruhago muri Tanzania bakomeje kuyifuriza ubuzima bwiza no gukomeza urugendo nta nkomyi.
