Imitwe iragwira, imitwe Pasiteri yatekeye umuzungu akamurya miliyoni 500 yateye ubwoba police

Polisi yo mu gihugu cya Uganda yatangiye gukora iperereza kuri Pasiteri bivugwa ko aherutse gutekera umutwe umuryango wo muri Leta zunze Ubumwe za Amerika, akawiba miliyoni 500 z’amashilingi yitwaje ubuhanuzi.

Ev. Hans Brabdt n’umugore we bageze muri Uganda mu Ugushyingo 2022, batumiwe n’umugore ukomoka muri Uganda, Barbara Kansiime ndetse n’umugabo ukomoka muri Macedonia, Borche Lliovski.

Pasiteri yamubwiye ko afite amadayimoni ashobora no kumuhitana kandi ko Imana yamuhishuriye ko gutanga ituro rya miliyoni 500 z’amashilingi bizatuma atsinda ayo madayimoni.

Brabdt yarabyemeye abikuza miliyoni 500 z’amashilingi muri banki iri mu mujyi wa Jinja, ayashyikiriza Pasiteri Ssenyonga ku wa 1 Werurwe 2023.