Imitungo y’Itorero ry’Abangilikani iri kugurishwa bucece nta muyoboke ubimenye

Bamwe mu bayoboke b’Itorero ry’Abangilikani mu Rwanda Diyosezi ya Shyogwe, barashinja Ubuyobozi bwabo kubagurishiriza imitungo y’iri Torero bavunikiye igihe kinini.

Bamwe muri abo bayoboke babwiye UMUSEKE dukesha iyi nkuru ko bafite amakuru ko amasambu, ibibanza, imodoka ndetse n’inzu abashyitsi bacumbikamo byose birimo kugurishwa kugira ngo hishyurwe umwenda wa miliyoni 600 Kaminuza y’Ihanika mu Karere ka Nyanza yahombeje.

Umuyobozi w’Ubutegetsi muri Diyosezi ya Shyogwe, Past Sibomana Uzziel asobanura ko amakuru abakristo bafite atuzuye, kuko icyerekezo Itorero rifite kuri ubu ari ugukosora ahavugwa imicungire mibi y’umutungo kuri bimwe mu bigo by’iri Torero.