Imfungwa 25 zatorotse gereza i Juarez

Mu gihugu cya Mexico kuri gereza iherereye mu mujyi wa Juarez  ,ku mupaka uhuza Mexico n’umujyi wa El Paso uherereye muri Texas ,imfungwa yatorotse gereza irasa abacungagereza 10 barapfa.

Cnn ivuga ko uyu mugororwa n’abandi bagenzi be babashije gutoroka mu gitondo cyo ku cyumweru hagana saa moya , ubwo imodoka isanzwe itwara abagororwa yageraga muri gereza ariko umuntu witwaje intwaro wari uyirimo agatangira kurasa ku bacungagereza .

Cnn ivuga ko byibura abacunga gereza 10 n’abagororwa 4 bose bahise bahasiga ubuzima , mu gihe 24 mu bagororwa bo bahise batoroka baburirwa irengero

Kugeza kuri ubu Leta ngo ntirabasha kumenya ninde mu byubukuri wihishe inyuma y’igitero cyagabwe kuri gereza kigatorokesha imfungwa 24 zose ,cyane ko uyu mujyi wa Ciudad Juarez ari umujyi ukunze kurangwamo icuruzwa ry’urumogi no guhangana kwinshi kubabicuruza.