Imana imwakire mu bayo! Juvénal yitabye Imana mu buryo butunguranye

Imvura ivanze n’umuyaga yaguye ku gicamunsi cyo kuri uyu wa 28 Ukwakira mu murenge wa Kansi yahitanye umusaza witwa Bimenyimana Juvénal w’imyaka 70 wagwiriwe n’igikuta cy’igipangu agiye gutabara inka ze.

Ni imvura yaguye ahagana saa cyenda, yiganza mu kagari ka Sabusaro mu murenge wa Kansi.

Abatuye muri aka kagari ka Sabusaro bavuga ko ari imvura yagwanye umuyaga mwinshi kandi ari nyinshi mu gihe kigera ko ku isaha.

Mu rugo rwa Bimenyimana iyi mvura yasenye igikuta cy’urupangu rugwira inka zari mu biraro.

Nyakwigendera ngo yasohotse mu nzu agiye gutabara izo nka ngo azugururire ibiraro zibe zahunga, agerageje kubikora agwirwa n’ikindi gice cy’igikuta cyari gisigaye hamwe n’inka imwe bari kumwe, indi ihita yiruka.