HARAGIRIMANA Dieudonne
Mu gihe ikipe ya PSG iri imwe mu makipe ku mugabane w’uburayi afite abakinnyi benshi kandi bakomeye kuburyo no kubakinisha icyarimwe byagora umutoza uwo ariwe wese ukomeye ku isi bitewe n’impano buri wese agaragaza iyo ahawe amahirwe yo kujya mu kibuga, kurubu Real Madrid yatangiye ibiganiro n’uhagarariye umwe mu bakinnyi bakomeye ba PSG.
Amakuru dukesha ikinyamakuru Marca aravuga ko ubuyobozi bwa Real Madrid bwatangiye ibiganiro byimbitse hamwe n’uhagarariye mu mategeko umukinnyi Julian Draxler umudage w’imyaka 24. Nyuma yuko Real Madrid yitegura kurekura hagati ya Gareth Bale na Karim Benzema, umutoza Zidane akaba yasabye ubuyobozi kureba uko baganiriza uyu musore kugirango barebe uko mu mpeshyi itaha yahita aza muri Real Madrid gusimbura umwe muri aba bakinnyi bavuzwe haruguru.
