THIERRY Mugiraneza
Umufaransa Kylian Mbappe ukinira ikipe ya Paris Saint Germain, ubutumwa yanditse ku rubuga rwe rwa Instagram bikomeje guteza urujijo mu bantu.
Mu ijoro rya keye ubwo ikipe ya Paris Saint Germain yatsindwaga Igitego kimwe ku busa na Bayern Munich mu mukino wa ⅛ muri Champions League.
Nyuma y’uwo mukino Mbappe atari yabanje mu kibuga kuko yajemo asimbuye , akaza no guhindura umukino kuko yatsinze ibitego bibiri nubwo byose byanzwe.
Umukino urangiye Kylian Mbappe yagiye ku rubuga rwe rwa Instagram maze yandika ubutumwa yashakaga guha abafana ba Paris Saint Germain. Mbappe yanditse ati ” Haracyari ibisigaye bitarakorwa( akazi), ikipe ya Manchester United iri kuri PSG”.
Ubu butumwa bwa Mbappe bwatumye Abantu bibaza niba ari Instagram yibeshye ubwo yasemuraga mu Cyongereza , abandi bakabisanisha n’amakuru ahari y’uko Manchester United ishobora kugurwa n’abakire bo muri Qatar dore ko ari nabo bafite ikipe ya Paris Saint Germain.
