Ikipe ya Fc Barcelona itakaje rutahizamu wayo ukomeye nyuma yo kutitwara neza mu ikipe y’igihugu

Mu gihe ikipe ya Fc Barcelona ikomeje kuyobora urutonde rw’agateganyo rwa Champiyona ya Espagne aho nta mukino numwe iratakaza ndetse na Lionel Messi akaba ari kwitwara neza, kurubu umunya Uruguay Luis Suarez we ukomeje kutigaragaza nk’ibisanzwe kuko mu mikino irindwi yose amaze gutsinda ibitego 2 gusa akaba yanagize ikibazo gishobora gutuma anasiba imikino itari mike.

Amakuru dukesha ikinyamakuru El Observador cyo mu gihugu cya Uruguay akaba avuga ko nyuma y’umukino ikipe ya Uruguay yaje kunganyamo ubusa ku busa n’ikipe ya Venezuela uyu musore akaba yaje kuhagirira imvune yo mu itako izwi nka Harmstring kuburyo ishobora kumumaza igihe kitari gito hanze y’ikibuga. Igihe nyacyo uyu musore azamara hanze y’ikibuga kikaba kizagenwa n’abaganga ba Fc Barcelona nyuma yo kuzamucisha mu cyuma ku munsi wejo. Uyu akaba abaye umukinnyi wa kabiri ukomeye ugiye hanze y’ikibuga nyuma ya Ousmane Dembele.