HARAGIRIMANA Dieudonne
Inkundura y’igura n’igurishwa ry’abakinnyi ku mugabane w’iburayi kurubu iba yamaze gutangira aho aba agent b’amakipe amwe namwe baba batangiye kwegera rwihishwa abakinnyi amakipe yabo aba yifuza. Ikipe ya Real Madrid nyuma yo kubona ko andi makipe yatangiye gushakisha abakinnyi yazagura haba mu kwezi kwa mbere cyangwa mu mpeshyi itaha, nayo ntiyahejwe kuko bivugwa ko yatangiye kwegera rwihishwa Eden Hazard na Thibaut Courtois.
Nkuko tubikesha ikinyamakuru The times, ikipe ya Chelsea ikimara kumva ayo makuru yahise ishyira ku meza amasezerano mashya yaba babiligi bombi kuburyo isaha iyo ariyo yose bahita bayasinya. Eden Hazard aramutse asinye aya masezerano akaba yahita aba umukinnyi wa mbere muri Champiyona y’ubwongereza uhembwa amafaranga menshi kuko yazajya ahembwa ibihumbi 320 by’amapound ku kwezi, mu gihe Thibaut Courtois yahita nawe aba umunyezamu wa mbere ku mugabane w’uburayi uhembwa menshi aho yazajya ahemba ibihumbi 240 by’amapound. Ibi byose ikipe ya Chelsea ikaba yabikoza kugirango igumane aba bakinnyi bayo.
