Ikipe ya APR FC yateguye umurengera w’amafaranga kugirango yongerere amasezerano umukinnyi wayo urimo guca ibintu muri iyi minsi kurusha abandi bose iyi kipe ifite

Ikipe ya APR FC nyuma yo kubona ubuhanga Nsengiyumva Irshad uzwi nka Pogba agezeho igiye kumwongerera amasezerano vuba kugirango birinde andi makipe yaza gukomanga ashaka uyu musore.

Hashize igihe ubuyobozi bwa APR FC bwitegereza neza imikinire ya Nsengiyumva Irshad uzwi nka Pogba nyuma yo kumwohereza mu Intare FC kugirango yitekerezeho akongera akagarurwa, mu mikino 3 iheruka APR FC imaze gukina agakoreshwa batangiye gutekereza kumwongerera amasezerano.

Amakuru YEGOB yamenye ni uko Irshad ashobora guherezwa amasezerano vuba aha na APR FC kandi agahabwa amafaranga atari make. Ibi amakuru ahari avuga ko bigiye gukorwa mu buryo bwo kwirinda andi makipe atandukanye ashobora kumushaka mu gihe ubuyobozi bw’iyi kipe bwazuyaza.

Irshad Nsengiyumva w’imyaka 26 akina mu kibuga hagati nta gihe kinini aramara muri iyi kipe ya APR FC nubwo abafana bataramwera vuba ashobora kuba umukinnyi w’iyi kipe mu gihe kirere babashije kumvikana.

Ibi ni ibintu bisanzwe ku ikipe ya APR FC mu gihe umwaka w’imikino urangiye, itangira gutekereza ku bakinnyi bayo bari kwigaragaza cyane ikaba yabongerera amasezerano kugirango ikomeze ibatunge itekenye cyane.