Philcollens
Ikipe ikomeye hano mu Rwanda nyuma yo gutsindwa yatumijeho inama y’igitaraganya kubera umutoza arimo kushinja bamwe mu bakinnyi be kwitsindisha kugirango yirukanwe
Ku munsi w’ejo hashize hakomezaga umukino wa shampiyona wahuje ikipe ya Kiyovu Sports n’ikipe ya Gorilla FC umukino urangira Kiyovu Sports itsinze igitego 1-0, Gorilla FC ikomeza kubura umusaruro mwiza.
Uyu mukino wavuzwemo byinshi harimo nko kwibwa kwa Kiyovu Sports nubwo yari yabonye intsinzi ariko umutoza wayo Petros Koukourus ahabwa ikarita itukura kubera amakosa umusifuzi yasifuraga uyu mutoza ntabyishimire.
Nyuma y’uyu mukino ikipe ya Gorilla FC yatsinzwe ukurikira n’indi itandukanye yari imaze itabona intsinzi, umutoza wayo Gatera Moussa yahise atumizaho inama y’igitaraganya iraba kuri uyu wa Kabiri yo kuganira ku byo ashinja abakinnyi harimo nko kwitsindisha kugirango ngo yirukanwe.
Uyu mutoza ujya ashinjwa gukanira amakipe amwe n’amwe harimo Rayon Sports ariko yajya gukina nandi ugasanga yoroheje ibintu ndetse agatsindwa mu buryo butumvikanwaho, kugeza ubu ntabwo amerewe neza nubwo we avuga ko aba yakoze byose agomba gukora ariko abakinnyi ntibabikurikize we yita ubugambanyi.
