Ijoro ribara uwariraye: Salima Mukansanga yavuze ibyabaye mu ijoro ribanziriza umunsi yasifuyeho umukino (audio)

Umunyarwandakazi Salima Mukansanga uherutse kwandika amateka ubwo yasifuraga umwe mu mikino y’igikombe cya Afurika akaba ariwe mutegarugori wa mbere wari usifuye umwe muri iyi mikino, yavuze uko byari bimeze mu ijoro ribanziriza iryo yasifuyeho umukino. Ibi Salima Mukansanga yabivugiye mu kiganiro yagiranye na 102.3 Kiss Fm kuri uyu wa gatanu tariki ya 04 Gashyantare 2022 aho yari yatumiwe nk’umutumirwa.

Salima Mukansanga yagize ati « Ku munsi wa match, iryo joro ntabwo nasinziriye nukuri naba mbeshye naraye ntekereza kuri match… nagumaga ndeba kuri telefone ubutumwa butandukanye buza biza kugeraho telefone ndayizimya… nari mfite ubwoba bwinshi cyane… icyatumaga ngira ubwoba nuko nari mpetse umuzigo wo guhagararira abadamu bwa mbere….nagombaga kwitwara neza… »