Kubwayo Mc croix
Umutoza mukuru w’Amavubi, Torsten Frank Spittler, yavuze ko ashaka kujya mu kiruhuko cy’izabukuru mu mpera z’umwaka wa 2024, ubwo amasezerano ye azaba arangiye. Nyuma yo gutsinda Djibouti ibitego 3-0 tariki 31 Ukwakira 2024, Spittler yemeje ko nta biganiro biratangira ku kongera amasezerano, byateje urujijo ku hazaza he.
Ku wa 15 Ukwakira 2024, nyuma yo gutsinda Benin 2-1, Spittler yanze kugira icyo avuga ku masezerano ye mu ikipe y’igihugu. Perezida wa FERWAFA, Munyantwali Alphonse, yaje gutangaza ko ibiganiro na Spittler byatangiye, bivuze ko ashobora kongera amasezerano nk’umutoza w’Amavubi.
Spittler yahawe inshingano zo gutoza Amavubi mu 2023, aho amaze gutoza imikino 12, atsinda 5, anganya 4, atsindwa 3, yinjije ibitego 11, yinjizwa 7. Abakunzi b’Amavubi biteze umwanzuro wa nyuma w’ibi biganiro, aho bishoboka ko yakomeza gutoza ikipe y’igihugu.
