THIERRY Mugiraneza
Richarlison ukinira Brazil yasizwe n’imodoka yagombaga kujyana abakinnyi ba Brazil ku kibuga k’indege kubera amarira n’agahinda yarafite.
Brazil iherutse gusezererwa mu mikino ya 1/4 cy’irangiza itsinzwe na Croatia kuri penariti 4-2, kuva ubwo agahinda karitse mu bakinnyi ba Brazil nibura bumvaga ko iki gikombe bagomba kuzagitwara uko byagenda kose.
Rutahizamu wa Tottenham Hotspur Richarlison ubwo ikipe yiteguraga gufata imodoka ikerekeza ku kibuga cy’indege, we ntabwo yabashije kujyana n’abandi kubera amarira.
Uyu musore wari wakoze ibishoboka mu ntangiriro z’irushanwa, ubwo ikipe yiteguraga yasohotse hanze ahasanga abafana ba Brazil nabo bari bafite agahinda, maze bahuriza hamwe bararira karahava, umusore agarutse asanga imodoka yagiye.
